Imran Khan, Pakistan aur Khulfa-e-Rashidin

By Ahsan Nawab

Imran Khan Kafi had tak Pakistan sey Qeemay walay naan aur biryani ki plate dey kar naray aur  jalsa Gah tak awaam ko lanay wali politics ka khatma kar chukka hai.Ab Pakistan Qoum jag rahi hai mulk mein inquilaab a raha hai log khud se Imran Khan kay jalsay mein a rahay hain.Paisay leinay ki jaga log Imran Khan ko Paisay dey rahay hai.Awaam Imran Khan pey investment kar rahi hai aisa aaj tak kabhi nai hua kay awaam paisay ley kar vote deinay ki jaga khud Politicians ko paisay dey ker elect kerna chah rahi hai. Aisay bhi log hain jo mobile phone sale kar kay “Tehreek” ka hissa ban rahay hain.

Lekin, Imran Khan ko yeh baat bhi yaad rakhni chahiye dosary siyatdaan paisay dey kar awaam ko khareed kar apna ghulaam bana leitay thay aur apni marzi se awaam ko ghulaam bana ker mulk pey hakoomat kertay thay.Lekin Imran Khan ka mamla kuch aur hai yahan log paisay ley nahi dey rahay hain. Indirectly awaam Imran Khan per investment kar rahi hai.Imran Khan awaam ka ehsaan ley raha hai.Aur ab Imran Khan khadim aur awaam hukmaraan hogi.Imran Khan ko pata hona chaiye ager usney Iqtidaar mein anay kay baad awaam ka numainda ban kar Pakistan ki khidmat nai ki tou isey achi terhaan pata hona chahiye yeh who Qoum hai jo 100Rs kay liye logo ko ghar sey utha leitay hain.Imran Khan ko awaam kay agay jawabdeh hona paray ga.

Dosri Taraf Imran Khan ney Islamic state aur Khulaf-e-Rashadeen sytem ki baat ki kya Imran Khan isey haqeeqat ka rang dey sakay ga??

Pakistan aik aisi state  jahan aik taraf  “burger mummy daddy class facebook kay mummy daddy jihadi aur dosri taraf Hafiz saeed jamat-ul-dawa kay so called jihadi”

Aik class woh jinka burger mineral water kay bina guzara nai dosra who jo sri-paye halwa pouri kay bina reh nai saktay.

Aik who class jo “music is my life line” ka naara buland kerti hai aur dosri Pakistan ka matlab kya  “la ilaha illa allah” aur Afia Siddiqui kay naam pey siyasat kernay walay.Aur aiki taraf dance parties mein janay wali class aur dosri taraf Raiwind janay walay Bhai.Kya yeh sub Imran khan ki leadership kay andar rehtay huay us system ko qabool ker lein gey jiska naara Imran Khan ney lagaya,Pakistan ko Islami Riyasat aur Khulfa-e-Rashedin system nafiz kerna hai.??

Jis din Imran Khan ney in sub logo ko aik Sabz Hilali parcham kay saye talay sub ko ikatha kar liya aur sub ney Khulfa-e-Rashedin system qabool ker liya.Aur Mohammad Ali Jinnah ki jaga Hazrat Mohammad(S.A.W) ko apna leader bana liya us din Imran Khan apnay madasd mein kamyab bhi ho  jaye ga,Pakistan mein Insaaf bhi  jaye ga, Corruption  bhi khatam ho jaye gey aur Pakistan aman ka gehwarah ban jaye ga.Mugahy umeed hai Imran aisa ker sakta hai.Hamari duain aap kay sath hain….